Поранешен вработен му го запалил џипот, па го полеал со бензин и газдата во Кисела Вода

Од:

Поранешен вработен во скопска фирма од Кисела Вода вчера му го запалил џипот, а потоа со бензин го полеал и газдата. Џипот бил паркиран на паркингот на фирмата, па вработените веднаш притрчале и го изгаснале автомобилот, чија предна лева страна била во пламен. Газдата останал полеан со бензин, а поранешниот вработен не посегнал да го запали и него откако другите вработени се симнале на паркингот да го гаснат пожарот.

Случајот во полиција го пријавил газдата. Во пријавата навел дека поранешниот вработен бил револтиран оти не му биле исплатени неколку плати.
„На 3.9.2019 во 13.43 часот во СВР Скопје, И. И. (51) од Скопје, сопственик на фирма на булеварот Србија, пријавил дека поранешен вработен во фирмата, Љ. С. (56) од Скопје, со бензин го полеал неговото патничко возило ‘бмв икс 6’, кое било паркирано на паркингот на фирмата и го запалил. Причина за тоа, според пријавеното, се неколку неисплатени плати кон Љ. С..

Огнот го изгаснале вработените, а Љ. С. бил приведен во полициска станица за расчистување на случајот“, извести МВР.

Поранешниот вработен, кога го запалил џипот и го полеал со бензин и газдата, воопшто не пробал да си замине, туку мирно чекал да дојде полиција.

Би можело да ве интересира

Тошковски: Против 34 физички лица и три правни субјекти се поднесени кривични пријави

А1он

Институциите се растрчаа: контроли во угостителски објекти во Тетово и Гостивар, два затворени

МВР: Забрана за користење дронови во Штип и Кочани

Обвинителството бара притвор за пет лица опфатени со вчерашната акција за сомнителни набавки на мазут

Предраг Петровиќ

Две жртви и еден тешко повреден во сообраќајка на влезот во Битола

Нова несреќа со смртни последници, загина 34-годишнен штипјанец