Министерот за здравство Венко Филипче најави дека ќе бидат преземени низа порадикални мерки, по денешниот состанок со Комисијата за заразни болести.
„Имавме разговори со колеги од Италија кои укажаа дека во одредени делови од земјата дури после воведувањето на најригорозните мерки немаат нови случаи, па затоа многу ригорозни мерки се воведуваат и во другите делови на Италија. Тоа ни укажува на тоа дека треба да бидеме порадикални“, рече Филипче.
Ова се новите мерки кои треба да стапат на сила:
- Забрана на сите јавни и приватни собири без разлика на бројот на присутни, вклучително концерти, кина, теретани и сл.
- Кафетериите и рестораните ќе работат до 18 часот, а внатре капацитетот ќе биде преполовен.
- Се откажуваат сите кино проекции, театри и концерти.
- Во болниците ќе се вршат само итни и неодложни хируршки интервенции.
- Верските заедници строго да се придржуваат до овие мерки
- Редовната терапија за хронично болните ќе ја препишуваат матичните лекари наместо специјалистите.