Четвртата по ред препорака уште еднаш потврдува дека Република Македонија има капацитет, кадровски и организациски да ги отпочне пристапните преговори за членство во ЕУ и повикува тоа да и се овозможи, се вели во писмената изјава на министерот за надворешни работи Никола Поповски.
„Се согласувам со Европската комисија дека придвижувањето на Македонија во следната фаза од пристапниот процес е неопходност. Почетокот на преговорите ќе придонесе за создавање поволни услови за решавање на отворените билатерални прашања кои не треба да го задржуваат пристапниот процес“, додава Поповски.