Македонија очекува поддршка од Франција за отпочнување на преговорите за членство во Европската унија, рекол министерот за надворешни работи Никола Попоски, на вчерашната неформална средба со претседателот на Франција, Франсоа Оланд на маргините на 14. Самит на Франкофонијата што се одржува во Киншаса, Демократска Република Конго.
Според МНР, во разговорите Попоски нагласи дека, тоа, впрочем, неодамна, по четврти пат, го препорача и Европската комисија, потврдувајќи ја подготвеноста на Македонија за преминување во следната фаза од процесот на интеграција кон ЕУ.
Франкофонијата ја сочинуваат 49 земји членки, четири придружни земји и 10 земји со статус на набљудувачи на самитите на оваа организација. Република Македонија стана полноправна членка на Меѓународната организација на Франкофонијата, на Самитотот на организацијата, што се одржа во Букурешт, Романија, во 2006 година