Униктност е да се самоперципираш како лулка на демократијата, а да промовираш теза дека устав во една држава треба да се дефинира не од народот кој живее во таа држава, туку од влада на друга држава.
Ова во својот дипломатски дневник го пишува министерот за надворешни работи Никола Попоски, по последната изјава на неговиот грчки колега Евангелос Венизелос дадена по средба со генералниот секретар на ОН, Бан Ки Мун дека Атина инсистира на својата позиција за географска одредница и име за севкупна употреба, што би подразбирало и промена на Уставот на Република Македонија.
Шефот на македонската дипломатија престојува во Њујорк на 68. Генерално собрание на ОН.
Засега нема најава за евентуална средба меѓу министрите за надворешни работи на Македонија и Грција, Попоски и Венизелос, и покрај таквата иницијатива од македонска страна.
