Почеток на преговорите за либерализација на трговијата со услуги во рамките на ЦЕФТА најави денеска носителот на листа за избор на пратеници во Изборната единица 6 Никола Попоски.
– Во 2014 година ќе почнеме со преговорите во рамките на ЦЕФТА за либерализација на трговијата со услуги. Веќе имаме целосна либерализација во трговијата со добра, но оваа дополнителна либерализација на линија на правилата на Светската трговска организација ќе ни овозможи дополнителен економски развој и трговија, рече Попоски.
Додаде дека фокусот ќе биде на услужните дејности, на градежниот сектор и на дистрибутивните услуги со што, како што рече, ќе се зголеми потенцијалот за натамошен развој.