Поплави во Штип и Свети Николе

Од:

Синоќешното невреме проследено со обилни врнежи од дожд предизвика реката Брегалница да се излее од своето корито. Поплавени се 30-тина куќи во штипската населба Ново Село.

Единиците за Противпожарна заштита со пумпи ја извлекуваат водата од домовите на поплавените куќи.

Според првичните информации на директорот на ЈП „Исар“ Никола Мицевски, поплавени се и бунарите од коишто градот Штип се снабдува со вода за пиење. На штипјани им се препорачува да не ја користат водата за пиење.

За сообраќај е затворен регионалниот пат од Штип којшто води кон Радовиш од населбата штипско Ново Село. Возилата коишто доаѓаат од Радовиш и од југоисточниот дел од државата треба да возат по заобиколницата за да влезат во Штип, односно од кај приградската населба Три Чешми. Поплавен е и градскиот стадион во Штип.

Состојбата со поплавите е алармантна и во Свети Николе. Долж градот се поплавени повеќе куќи, а во моментов нема струја.

Би можело да ве интересира

65-годишна штипјанка со нож го ранила шест години постариот сопруг

Горан Наумовски

54-годишен штипјанец со нож си ја убил мајката

Горан Наумовски

Штипјанец осомничен за убиство, ги нападнал сопругата, нејзините брат, татко и мајка

Мицкоски: Во Штип е најголемата здравствена инвестиција од околу 150 милиони евра

(ВИДЕО) Поплавите во Романија одзедоа три животи

А1он

Нормализиран сообраќајот на регионалниот пат Свети Николе – Куманово