Политичките лидери ќе потпишат декларација за спречување семејно насилство

Од:

Во организација на Националната мрежа против насилство врз жените и семејното насилство, денеска политичките лидери ќе потпишат декларација за спречување и заштита од различни форми на насилство врз жените и семејно насилство.

Со потпишувањето на декларацијата, Националната мрежа ја започнува кампањата „16 дена активизам против насилство врз жените и семејното насилство.”

Со декларацијата, лидерите на политичките партии во Македонија се обврзуваат на ратификација на Конвенцијата на Советот на Европа за спречување и борба против насилството врз жените и домашно насилство – Истанбулската Конвенциија.

Целта на Конвенцијата е воспоставување на нулта толеранција за различните облици на насилство на кои се изложени жените. Секоја од државите потписнички превзема обврска да ги спроведе сите мерки за превенција на различните форми на насилство, заштита и поддршка на жените кои преживеале насилство и гонење и казнување на насилниците.

Република Македонија е потписник на Конвенцијата од јули 2011 година и оттогаш Националната мрежа против насилство врз жените и семејно насилство спроведува активности за лобирање во насока на нејзина ратификација и имплементација.

Би можело да ве интересира

Група од 50 насилници претепаа маж во Белград, еден од нив му нанел повреди со мачета

Македонија нема механизам за заштита на жртвите од родово и семејно насилство

Штипјанец осомничен за убиство, ги нападнал сопругата, нејзините брат, татко и мајка

Тројца насилници со боксови нападнале полицајци, на крај завршиле во станица

Двајца браќа од струшко село повредиле жена која патувала во комбе

70-годишна скопјанка била нападната од поранешниот партнер