Денеска интервентната полиција спаси старец на околу 80-годишна возраст, кој според очевидци, сакал да скокне од терасата на својот стан на петтиот кат на зграда на булевар „Партизански одреди“.
Според извори на А1он, соседите повикале полиција, а кога тие стигнале, се поделиле на две групи. Додека едните разговарале со старецот од долу и се обидувале да го разубедат во намерата, друг тим влегол во станот и го фатиле од позади, по што старецот бил однесен со возило на Брза помош.
Од полицијата за нашата редакција го потврдија настанот.