Интервентна полиција со панцири стои пред влезот на Градско собрание додека од другата страна на „Илинденска“ превозниците го блокирааат сообраќајот поради тоа што четири месеци Градот не ги исплатил.
По прес-конференцијата на Ленин Јовановски, директор на „Слобода превоз“, новинарите со камери поставени пред Градско собрание, бараа одговори од градоначалничата на Скопје, Данела Арсовска, но ниту таа ниту некој од службите во Градот излезе да даде објаснување што ќе преземат по блокадите на три клучни крстосници и хаосот во сообраќајот.
Јовановски од „Слобода превоз“ во име на приватните превозници денес кажа дека блокадите не само што остануваат, туку и ќе ги прошират се’ додека не им се исплатат заостанатите долгови.