Полициски службеник ноќеска е нападнат во скопската населба Маџари во обид да го легитимира лицето И.А од Скопје. Од нападот се здобил со повреди во пределот на лицето.
Како што информира Министерството за внатрешни работи, во 01,45 часот, во Скопје на ул. „Благоја Стефковски“, полициска патрола се обидела да го легитимира И.А. (41) од Скопје, но тој се спротвставил и физички нападнал полициски службеник нанесувајќи му видливи повреди во пределот на лицето.
И.А. е приведен и се преземаат мерки за целосно расчистување и документирање на случајот по што ќе биде поднесен соодветен поднесок.