Покрај градоначалникот, уште еден заразен од коронавирус во општина Гази Баба

Од:

Градоначалникот Борис Георгиевски во моментов е на Инфективната клиника во стабилна состојба, а неговото семејство е во домашна самоизолација, без никакви симптоми поврзани со коронавирусот, информираат преку писмено соопштение од општина Гази Баба.

Исто така, од Општината велат дека во текот на вчерашниот ден е доставено известување од вработено лице во Гази Баба, чиј тест за Ковид-19 бил позитивен.

Вработената, како што соопштуваат, е во стабилна состојба, без симптоми и целосно ги следи препораките на лекарите и епидемиолозите.

„Ја информираме јавноста дека во текот на своето работење, градоначалникот Борис Георгиевски, како и останатите вработени во општина Гази Баба постојано ги следат и почитуваат препораките и мерките за заштита од Ковид-19. Сепак, според протоколите за функционирање, општина Гази Баба веќе е во редовна комуникација со тим епидемиолози кои ја разгледуваат новонастанатата состојба и се преземаат нивните препораки и мерки за понатамошно постапување. Би сакале да потенцираме дека во меѓувреме, општинскиот кризен штаб продолжува со редовна работа со цел заштита на здравјето на секој наш сограѓанин и е раководен од страна на Јовица Ѓоргиевски, началник на Општинскиот кризен штаб“, соопштуваат од општина Гази Баба.

За сите преземени активности кои произлегуваат од тековното работење и надлежности на општина Гази Баба, оттаму велат дека навремено ќе ја информираат јавноста.

Би можело да ве интересира

Тепачка во Гази Баба: Момче се пресметало со неговите баба и тетка

А1он

Левица: Стефковски ги остави учениците во Гази Баба без бесплатен превоз

Грип, ковид и инфекции на дишните патишта ги полнат амбулантите и болниците

Го киднапирале и силувале за долг од 150 евра – кривична за двајца скопјани

Анита Петровска Рајковиќ

Левица: Дивоградбите во Гази Баба недопирливи веќе два мандати

Ученици од Гази Баба за излет до паркот во Гази Баба платиле по 250 денари за автобус: Колку чини една школска екскурзија

Орце Костов