Партијата на Обединети Демократи на Македонија – ПОДЕМ, дава јавна и отворена поддршка на Гордана Силјановска Давкова, кандидат за претседател на Република Македонија.
„Професорката Силјановска Давкова е докажана личност во својата професија како универзитетски професор, но уште повеќе како човек кој секогаш е на страната на правдата и доследното почитување на Уставот и законите во Република Македонија“ велат од ПОДЕМ.
Оттаму велат дека на државата ѝ е потребен претседател кој институционално ќе се бори за исправување на националните неправди кои и се случија на Република Македонија и нејзините граѓани во изминатиот период.
Општинските организации на ПОДЕМ, како што најавија, ќе се вклучат активно во изборната кампања за сеопфатна промоција и поддршка, со еденствена цел, Гордана Силјановска Давкова биде петтиот Претседател на Република Македонија!