Почна новото судење за „Дива населба“

Од:

Ново судско рочиште против обвинетите за тероризам во случајот „Дива населба“, почна денеска во големата сала на Врховниот суд.

Целата постапка стартува одново откако судот на почетокот на април донесе одлука „Дива населба“ да се спои со случајот „Молња“, односно со логистичарите кои беа уапсени пред неколку месеци. За настаните од „Дива населба“ обвинети се 29 лица, а како логистичари осум лица.

Како и на претходното судење, сите обвинети и денеска ги отфрлија обвинувањата односно негираа дека се терористи, а како невини се изјаснија и уапсените во акцијата „Молња“.

Според Обвинителството, обвинетите се виновни за делата за кои се товарат, а прибавените докази неоспорно укажуваат дека голем дел од обвинетите се познавале и имале континуирани контакти. Обвинетите биле идентификлувани со криминалистичко вештачење, односно со совпаѓање на материјалните докази најдени на самото место.

Адвокатите на обвинетите, пак, го оспоруваат вештачењето со образложение дека го направило МВР, истиот орган што ги тужи обвинетите. Бараат тоа да го направи независна институција.

Судењето за „Дива населба“ се одржува во големата сала на Врховниот суд, бидејќи во Основниот суд Скопје 1 нема просторни и безбедносни услови за одржување на судењето во кое има голем број обвинети.

Судењето претходно беше два пати одложувано, на 31 мај бидејќи судската полиција на Врховниот суд не им дозволи на адвокатите на обвинетите во процесот да влезат во салата, и на 27 мај поради болест на судијката Верка Петковска.

На 9 и на 10 мај 2015 година во кумановската Дива населба вооружена група се судри со безбедносните сили. Во престрелката загинаа осум полицајци од специјалните и посебните единици на МВР, додека четириесетина беа тешко повредени. Убиени беа и десет лица од вооружената група.

Би можело да ве интересира

Тодоровиќ не се појави да сведочи, судењето за „Рекет“ одложено за утре

А1он

Продолжен притворот на заканувачот Емил Јакимовски, пресудата на 6 март

А1он

ВИДЕО: Азири тврди дека Радникот го терал да потпише изјава за убиствата на момчињата кај Смилковско

Кристијан Ландов

Заев: Кажував се што знам за „Монструм“, за да се дојде побрзо до вистината

Кристијан Ландов

(ВИДЕО) Заев сведочи во „Монструм“: Бомбите за случајот ги предадов во СЈО

Кристијан Ландов

„ТНТ“ засега продолжува, поротничката останува

Кристијан Ландов