Во Владата почна лидерската средба на која присутни се првите луѓе на сите политички партии, Али Ахмети од ДУИ, Биљал Касами од Беса, Зоран Заев од СДСМ, Христијан Мицкоски од ВМРО-ДПМНЕ и Зијадин Села од Алијансата на Албанците.
На средбата ќе се разговара за актуелната состојба со коронавирусот и ќе бидат презентирани серија мерки што ги донесе Владата за справување со ситуацијата.
Не е исклучена ниту можноста да се разговара и за текот на изборната кампања во вакви услови, кога Владата донесе серија радикални мерки и забрана за било какви собири, без разлика на бројката на лица.
Претходно, речиси сите лидери на политичките партии се изјаснија дека изборите не треба да се одложат поради коронавирусот.
По завршувањето на средбата изјава за медиумите ќе даде техничкиот премиер Оливер Спасовски.