Поранешниот градоначалник на Кавадарци и пратеник во македонското Собрание, Панчо Минов почина денеска, на 67-годишна возраст.
Минов во два мандати беше градоначалник на општина Кавадарци од 2000 до 2009 година.
Во Собранието пак, тој беше пратеник во два наврати, прво од 1990 до 1998 година, а втор пат од 2016 до 2024 година.
Во своето политичко делување Минов особен интерес покажуваше во борбата за потребите на земјоделците, особено за лозарите од Тиквешкиот регион.
