Вчера во Скопје во новата зграда на Македонската филхармонија се одржа големиот добротворен концерт „One night in America“ во изведба на Биг бендот на Здружението на џез музичари.
Беа изведени популарни композиции на американскиот поп и џез од Френк Синатра до Ела Фицџералд. Концертот го организираше Македонско – американската алумни асоцијација (МААА).
Во рамките на концертот му беше доделено почесно членство на МААА на амбасадорот на САД во Република Македонија, Џес Бејли за неговиот придонес во подобрувањето на разбирањето помеѓу народот на Македонија и САД.
Годишната награда на МААА ѝ беше доделена на д-р Лела Јаковлеска. Наградите ги врачи претседателот на МААА, проф. д-р Мишо Докмановиќ.
