Пратеникот Александар Кирацовски не се појави на Комисијата за политички систем во Собранието, откако претходно ЕЛЕМ потврди дека таткото на неговата сопруга, Борче Поповски е вработен во компанијата. Кирацовски не одговараше на телефонските повици и пораки на „A1он“, а за „Телевизија 24“ изјави дека ги отфрла обвинувањата дека тој влијаел при вработувањето, додавајќи дека „тоа не е ни некоја солидна работа со која може да се пофали човек“.
Кирацовски е претседател на Комисијата која денеска одржа главна расправа за Законот за извршување на санкции. Бидејќи Кирацовски не се појави, седницата ја водеше пратеникот Чедо Саздовски.
Освен дедото, минатиот месец е вработена и Мери Поповска, мајка на сопругата на Александар Кирацовски. Поповска работи во Државниот ученички дом „Мирка Гинова“ во Битола.
Kристијан Ландов
