Град Скопје од денеска до 1 септември ќе го реализира петтото прскање против комарци ова лето.
Aвионската дезинсекција ќе се одвива денеска и утре од 5:30 до 10 часот, додека прскањето од земја против возрасни комарци ќе биде спроведено од утре до 1 септември, од 23 до 4 часот наредниот ден.
Доколку временските услови не дозволуваат аеросолна дезинсекција, прскањето ќе се изврши првиот нареден ден кога временските услови ќе бидат поволни, во истиот термин, а согласно на тоа ќе се извршува и терестричната дезинсекција.
Се известуваат пчеларите навремено да ги преземат потребните мерки за заштита на пчелите.
