Петровска: Северна Македонија е активен и посветен НАТО сојузник

Од:

Министерката за одбрана Славјанка Петровска утрово се сретна со помошникот генерален секретар на НАТО за политички работи и безбедносна политика Хавиер Коломина, со кого разговараше за придонесот на Северна Македонија како посветен и активен сојузник во Алијансата кон колективната безбедност на НАТО и кон стабилноста на регионот.

Како што информира Министерството за одбрана, на средбата во ресорното министерство Петровска истакна дека Северна Македонија во целост ги спроведува прифатените обврски од НАТО пакетот на цели на способности, со особен акцент на модернизацијата на Армијата и унапредувањето на условите и развојот на човечките капацитети во Министерството и Армијата.

– Инвестирањето во македонската одбрана во 2024 година ќе достигне 2 отсто од бруто – домашниот производ, а од средствата наменети за одбрана една третина ќе бидат насочени кон модернизација, што е гаранција дека процесот на опремување на Армијата ќе продолжи да се реализира со несмалено темпо. Посветени сме на модернизацијата како одговорна членка на НАТО но подеднакво и заради националната безбедност, рече министерката Петровска.

Таа го информираше Коломина за помошта која досега во 10 наврати Северна Македонија ја донираше на Украина и нагласи дека во согласност со проценките на Генералштабот таа помош и понатаму ќе продолжи.

Во контекст на регионалната безбедност, министерката Петровска истакна дека Северна Македонија го зголемува учеството во Мисијата КФОР на Косово. Таа потенцираше дека дијалогот меѓу Белград и Приштина треба да продолжи и дека и двете страни треба да ги реализираат преземените обврски.

– Интеграцијата на земјите од регионот во ЕУ е безбедносно прашање и најдобар одговор на обидите за влијанија од трети страни во регионот, рече Петровска.

Во соочувањето со проблемот на хибридни закани и лажни вести, Петровска ја истакна 100-процентната активна транспарентност на Министерството за одбрана како најдобар начин за превенција и справување со овој предизвик.

Помошникот генерален секретар на НАТО Коломина се заблагодари за активното учество на Северна Македонија во НАТО и видливиот придонес кон зацврстувањето на регионалната и колективната безбедност. Тој го поздрави придонесот на Северна Македонија во мултинационалните сили на НАТО во Бугарија и Романија, учеството во мисијата на НАТО на Косово, помошта за Украина во одбрана на нејзиниот територијален интегритет и стабилното инвестирање во развојот и модернизацијата на одбраната.

Би можело да ве интересира

Петровска: Нема безбедносни причини ниту финансиска оправданост за враќање на воениот рок

Петровска: Северна Македонија е препознатлив сојузник кој инвестира во одбраната и ги зацврстува вредностите на НАТО

Италијанската „Леонардо“ избрана за најповолен понудувач од каде треба да се набават хеликоптери за Армијата

Петровска: Освен безбедносните придобивки, наскоро ќе се почувствуваат и економските бенефиции од членството во НАТО

Петровска: Присуство на наш претставник на конвенцијата на Нова Алтернатива е политичка култура, тоа не значи коалицирање или соработка

Петровска: Имаше заинтересираност од НАТО-членки за случувањата во М-НАВ, политиката да ги тргне рацете од синдикатите