Петровска и Османи ја поздравија одлуката на Турција да не го попречува членството на Шведска во НАТО

Од:

Министерката за одбрана Славјанка Петровска, која заедно со премиерот Димитар Ковачевски и министерот за надворешни работи Бујар Османи учествува на Самитот на НАТО во Вилнус, ја поздрави одлуката на Турција да не го попречува членството на Шведска во Алијансата.

– Единството во НАТО уште еднаш победи. Постигнат е договор и Шведска да биде дел од Алијансата. НАТО семејството се проширува на 32 членки. Побројни, помоќни, пообединети, напиша министерката Петровска на Фејсбук.

И министерот Османи на својот фејсбук профил напиша дека има одлични вести од Вилнус и дека по членството на Финска, ова е најважниот политичко – безбедносен настан.

– За време на НАТО самитот се постигна политички договор со кој нашиот сојузник Шведска се приклучува во трансатлантското семејство, продолжувајќи го патот до полноправно членство како 32 земја – членка на НАТО. По членството на Финска, ова е најважниот политичко – безбедносен настан кој не само што значително ја зајакнува моќта на Алијансата, туку и силно ќе влијае на долгорочната безбедност и стабилност на Европа, напиша Османи.

Би можело да ве интересира

Петровска: Секое непостапување во случајот Росица мора да биде казнето!

Орбан: Хаосот во Шведска не смее да биде иднината на Европа

Војна меѓу шведскиот и унгарскиот премиер на X: „Земјата ти е е во хаос! Скандалозни лаги!“

Руски генерал: Ако Западот воведе забранета зона за летови над Украина, ќе ги нападнеме земјите од НАТО

А1он

ВИДЕО: Бујар Османи го повика Изет Меџити да си поднесе оставка

Катерина Ѓуровски

Има ли Европа одговор на ултиматумот на Трамп