Градските власти од Охрид бараат посериозен однос на надлежните државни институции конкретно на Македонија Пат кога е во прашање на чистењето на патните правци кои водат до Охрид. Првиот човек на градот, градоначалникот на Охрид Александар Петрески искажа незадоволство од работењето на Македонија пат.
Вели дека поради ненавременото и квалитетно одржување на патот од Скопје до Охрид, голем број делегации кои беа во Охрид поради патронот на градот Свети Климент Охридски, го одложиле враќањето дома , а некои од нив не успеале на време да стасаат на аеродром во Скопје.
Тој вели дека со парите за изградба на еден споменик државата може да набави 200 возила и камини неопходни за непречено одржување на патните правци низ цела држава во текот на зимата.
„Не можеме да функционираме и да развиваме туризам ако патиштата што водат кон Охрид, освен што не се безбедни и ископани,не се одржуваат. Со парите од еден споменик што го гради државата можат да се купат 200 возила и машини со кои сите патишта во Македонија ќе бидат проодни. Загрижен сум зашто охриѓани и другите граѓани, како и туристите од Охрид до Скопје мораат да патуваат од 9 до 10 часа.Несериозен е односот на државните служби за одржување на патиштата“ рече Петрески.
