Петковска: Протоколот за членството во НАТО предаден на Рикер во вонредни околности

Од:

Оригиналниот документ на ратификација од Пристапниот протокол за членство на Северна Македонија во НАТО денеска беше предаден од Вилма Петковска, вршител на должност амбасадор на Северна Македонија во САД.

Од страна на САД, документот беше примен од Филип Рикер, заменик државниот секретар за Европа и Евроазија.

Петковска за МИА појасни дека овој клучен момент од македонската историја се одвива во вонредни околности, кога зградата на Стејт департментот во Вашингтон е затворена за голем дел од вработените, како и за сите посетители и новинари, поради опасност од ширењето на коронавирусот во американската престолнина.

-Го запазуваме правилото да бидеме оддалечени два метра од соговорниците, изјави Петковска за МИА.

-Се надеваме дека кога ќе заврши оваа ситуација, ќе може да се организира свечена церемонија за прием на нашата земја во НАТО посетена од гости и новинари, додаде таа.

Би можело да ве интересира

Шпанија e под притисок: Мора да троши повеќе на одбрана

Трамп повторно им се закани на членките на НАТО

Шекеринска: Западен Балкан мора да внимава на зборовите – тие можат да бидат поопасни од оружје

А1он

Песков: Украина не треба да стане членка на НАТО, бидејќи тоа e закана за Русија

Членовите на Постојаниот комитет на Парламентарното собрание на НАТO во „контрола“ на касарната „Илинден“

НАТО сака Украина да биде напредна суверена држава откако ќе се постигне мир