Делегација од општина Охрид денеска на градскиот кеј во Охрид ќе положи цвеќе пред спомен-плочата за загинатите во бродската несреќа пред пет години, во која животот го загубија 15 бугарски туристи.
Бродската несреќа се случи на 5 септември 2009 година во 10.35 часот на околу 200 метри од брегот, во близина на плажата Елешец, кога потона бродот „Илинден“.
Во несреќата загинаа 15 бугарски туристи, а останатите 38 туристи од Бугарија беа спасени. На бродот се превезувале вкупно 57 лица.