Перпарим Бајрами не се чувствува виновен за случајот „Државна Лотарија“

Од:

Поранешниот директор на Државна лотарија, Перпарим Бајрами, изјави дека не се чувствува виновен за случајот „Државна Лотарија“ на денешното судење во Основен кривичен суд Скопје.

На судењето што почна изминатата недела сите обвинети се изјаснија дека не се чувствуваат виновни, освен Бајрами, кој на првото рочиште сѐ уште беше недостапен на органите за прогон, и обвинетиот Башким Авди, кој изјави дека не го разбира обвинението што му се става на товар и побара да му биде доставено писмено на неговиот мајчин, албански јазик.

На денешното рочиште, обвинетиот Авди, исто така, изјави дека не се чувствува виновен.

Бајрами, заедно со поранешниот вицепремиер, Артан Груби, Методија Димовски, Скендер Мехмети, Бојан Јанев, Фатмир Рамадановски, Александар Димитриоски и Башким Авдиу се товарат дека ги пречекориле службените овластувања и предизвикале штета на „Државната лотарија“ во износ од 596.125.511 денари.

Откако побегна од земјава, за Бајрами беше распишана меѓународна потерница. На 9 септември сам се предаде на граничниот премин „Блаце“, по што беше спроведен во затворот во Скопје на издржување на претходно определената мерка притвор.

Претходно во бегство беше и поранешниот вицепремиер Груби, кој се предаде на органите за прогон во февруари годинава, по една година бегство.

Обвинението за овој случај го застапуваат јавните обвинители Даниел Коцев и Александар Давчевски, а процесот го води судијката Билјана Шуплиновска Јовевски.

Би можело да ве интересира

Со вкрстено испитување на вештото лице од одбраната на Груби продолжи судењето за „Државна лотарија“

ВРЕДИ: Артан Груби лично потпиша продажба на државните акции кои завршија кај Давор Мацура

А1он

Со испитување на вештото лице Анита Поповска, продолжи судењето за „Државна лотарија“

Продолжува судскиот процес за „Државна лотарија“

Одложено e денешното рочиште за „Лотарија“, судењето продолжува на 11 ноември

Сведок на судењето за „Државна лотарија“: Како членови на УО требаше да се изјасниме за набавката на ВЛТ терминалите, за постапката дознав по нејзиното завршување