Денеска во судот во Охрид ќе продолжи случајот против Илија Спасески, обвинет за претепувањето на Христијан Пендиков кој треба да го даде првиот исказ во судница откако почна судската разврска во месец март, односно да раскаже што се случило вечерта на 19 јануари.
Последната трета седница по ред беше одложена откако обвинителството во Охрид ги презентираше сите документи за лекувањето на Кристијан Пендиков во Бугарија и за повредите што му беа нанесени.
Овие документи станаа причина случајот да се одложи за денеска бидејќи одбраната на Илија Спасески сакаше да се запознае со нив и да може да се произнесе за случајот. Но, судот не дозволи такво време и одлучи дека ќе го расправа предметот, а потоа адвокатите на Спасески демонстративно ја напуштија судницата и судијата мораше да го одложи предметот.
Се очекува денеска да се слушне и мислењето на лекарите кои веднаш по тепањето го примија Христијан Пендиков на итната помош во Охрид и дадат свои заклучоци за степенот на физичките повреди.