„За мене Салвини не е фашист, туку демократски избран министер во демократска Република Италија која е наш голем пријател во нашите евроатлански аспирации“, рече претседателот на државата Стево Пендаровски.
Тој негираше дека професорката Ана Чупеска е негова советничка или ангажирана во кабинетот, а одговорот следи по новинарско прашање дали кабинетот на претседателот ќе испрати извинување до Италија, откако Чупеска на „Фејсбук“ напиша дека случајот „Рекет“ е специјална војна која ја водат клептофашистите Берлускони и Салвини, а нејзниот став го пренесе Антонијо Милошоски.
„Ана Чупеска нема никаква релација со овој кабинет во врска со советување или било какво помагање, ниту е инволвирана во некој проект. Знаеме кој е изворот на таа вест и тој апсолутно знае дека Чупеска нема никаква врска со кабинетот, но тој има таква агенда да шири лажни вести” рече Пендаровски.