Пендаровски во опожарените места во прилепско: Огромна благодарност до сите вас

Од:

Претседателот Стево Пендаровски ја посети касарната „Мирче Ацев” во Прилеп и опожарените места во околината на селото Топлица.

Припадниците на Армијата распоредени во касарната, го информираа претседателот Пендаровски за тековните активности коишто ги преземаат при гасење на пожарите во прилепскиот регион. Како што посочија, во прилепската касарна се одвива координација со припадниците на Армијата од неколку околни општини, нагласувајќи ја одличната соработка на Армијата со другите институции.

„Огромна благодарност уште еднаш до Вас и до Вашите семејства. Никој нема да Ви го заборави овој извонреден напор што го правите. Се надевам дека пожарите нема уште долго да траат и ќе можете полека да се враќате на редовната воена служба и на Вашите семејства“, им порача претседателот Пендаровски на припадниците на Армијата.

При обиколката на опожарените места во околината на село Топлица, претседателот Пендаровски беше информиран за ангажираните армиски капацитети, како и за обврските на Армијата при локализирањето на пожарите во оваа област.

Во разговор со припадниците на Армијата претседателот Пендаровски ја нагласи нивната професионалност и посветеност. Во оваа насока, како што истакна претседателот Пендаровски, соодветно ќе биде вреднуван несебичниот ангажман на сите припадници на Армијата во изминатите денови.

Би можело да ве интересира

Словенечки пожарникари и специјализирана опрема пристигнуваат во Берово

Ангелов: За повеќето пожари имаме индиции и докази дека се подметнати

Пожарите не стивнуваат, критично на Готен, кон границата со Грција и кај Прилеп и Кавадарци

Над 50 пожари за 24 часа, уште гори на критичните локации

Активни шест пожари, вкупно 14 на отворен простор

Пожарот во Преспа е под контрола, уште гори на Серта, активно е уште на шест локации