Пендаровски-Столтенберг: Македонија, како членка на НАТО, ќе продолжи да пружа воена, хуманитарна и дипломатска помош на Украина

Од:

Претседателот Стево Пендаровски телефонски разговарал со генералниот секретар на НАТО, Јенс Столтенберг. Дискутирале за соработката меѓу Република Северна Македонија и НАТО Алијансата, за актуелните регионални и безбедносни прашања, енергетските предизвици и безбедносните теми поврзани со стабилноста на регионот.

Во однос на руската агресија врз Украина, претседателот Пендаровски ја реафирмирал поддршката за Украина и украинскиот народ, посочувајќи дека Северна Македонија, како членка на НАТО, ќе продолжи да пружа воена, хуманитарна и дипломатска помош, со крајна цел прекин на воената агресија, одбрана на демократските вредности и воспоставување на мир.

Столтенберг се заблагодарил за поддршката што Република Северна Македонија ја дава на украинскиот народ во одбрана на земјата. Генералниот секретар на НАТО и претседателот на Македонија согласиле дека Алијансата треба да продолжи во напорите за поддршка на Украина со цел стабилизирање на ситуацијата во целиот евроатлантски простор.

Би можело да ве интересира

Кремљ го одби предлогот на Украина за 30-дневно тотално примирје

Масовен украински напад врз Русија: Соборивме 91 дрон објави Москва

Лавров: Смртоносниот напад врз станбена зграда во Киев не бил целосно насочен кон „цивилна“ цел.

Катерина Ѓуровски

Руската елита ги заобиколува санкциите со купување „златни пасоши“ од Малта

Орбан: Европа ја фаќа психоза, Украина нема шанси против Русија

ВИДЕО: Откриен дел од разговорот меѓу Трамп и Зеленски на средбата во Ватикан