„Секоја молба за помилување се разгледува поединечно. Со делумното ослободување од извршувањето на неиздржаната казна затвор на лицето Абдуљфета Алими, претседателот не донесе одлука за околностите и настаните од 27 април, туку одлука за индивидуалната молба поднесена од Алими“, се вели во соопштението на претседателот Стево Пендаровски во врска со изјавата на пратеникот на ВМРО-ДПМНЕ, Миле Лефков, која се однесува на последната одлука за помилување на осудени лица од страна на Претседателот и барањето за помилување на осудените во настаните од 27 април.
Претседателот никогаш не одлучувал селективно, така било до сега, така ќе биде и од сега, се додава во соопштението од кабинетот на Пендаровски.