Кандидатот за претседател од СДСМ и коалицијата, Стево Пендаровски, на денешната прес-конференција изјави дека во последниве неколку дена тој не забалежал дали се уште го следат и фотографираат.
„Таа работа е завршена. Поднесов пријава и целата работа е кај МВР. Има истрага и тие знаат понатаму. Не сакам да коментирам понатаму за да не им ставам на товар повеќе работи. Тоа е непријатно чувство, но не значи дека е безбедносна закана по мојот интегритет“, изјави Пендаровски.
Тој не сакаше да каже дали останува на ставот дека е следен од стрснски служби кои се блиски до опозицијата.
Педнаровски на прес-конференцијата меѓудругото изјави и дека со шефот на мисијата на ОБСЕ оствариле разговор во пресрет на претседателските избори, и дека неговата главна заложба е дека изборите мора да бидат кристално чисти.
„Димензионирана ќе биде мисијата според потребите. 300 луѓе ќе ги следат изборите. Наша заложба е да има повеќе монитори, особено од граѓанскиот сектор. Далечно минато треба да бидат гласови на нерегуларен начин“, посочи Пендаровски.
Кристијан Ландов