Пендаровски ќе му подари галичка пафта на Вучиќ

Од:

Претседателот Пендаровски, кој денес и утре е во официјална посета на Србија, ќе му подари галичка пафта на српскиот претседател Александар Вучиќ. Од Кабинетот на претседателот за „А1он“ кусо изјавија дека фигурите галичка пафта за подарок се избор на Пендаровски.

dobivaj vesti na viber

Галичка пафта е украсна тока на невестинскиот појас во галичката народна носија.

Пендаровски откако е на функцијата претседател на државата гордо истакнува дека неговото потекло е од Галичник. Заедно со сопругата беа на годинашната Галичка свадба, а на крајот на септември пак двајцата им беа домаќини во Галичник на американската амбасадорка Кејт Брнс и нејзиниот сопруг Скот Брнс.

Претседателот Пендаровски,освен со српскиот колега Вучиќ, денес е предвидено да се сретне и со претседателката на Владата на Република Србија, Ана Брнабиќ, и со претседателката на Народното собрание на Република Србија, Маја Гојковиќ. Во рамки на официјалната посета, претседателот Пендаровски ќе се сретне и со претседателот на Стопанската комора на Република Србија, Марко Чадеж и стопанственици од Република Србија.

Официјалната церемоноја за пречек на Пендаровски во „Палата Србија“ почнува во 10.30.

Утре,пак, претседателот Пендаровски во Нови Сад е предвидено да учествува на 4. Регионален младински форум и да се обрати на претседателскиот панел „Обраќање на младите пред претставниците на влаcта: презентирање на политичкиот дијалог пред милениумците“, заедно со претседателот на Република Србија, Александар Вучиќ и претседателот на Република Словенија, Борут Пахор.

Би можело да ве интересира

(ВИДЕО) Пендаровски: Интеграција во ЕУ зависи од Брисел, но, најмногу од нас

(ВИДЕО) Пендаровски и Штајнмајер на турски чај во Старата чаршија

Средба на претседателот Пендаровски со романскиот претседател Клаус Јоханис

Ана Ололовска

Средба на претседателот Пендаровски со естонскиот претседател Алар Карис

Ана Ололовска

(ВИДЕО) Пендаровски – Моравјецки: Полска е важен партнер на С. Македонија во НАТО алијансата

Ана Ололовска

ВИДЕО: Претседателите Пендаровски и Дуда на полско-македонски економски форум

Ана Ололовска