Пендаровски: Денот на албанската азбука е државен празник со кој се горедат сите граѓани

Од:

Претседателот Стево Пендаровски по повод одбележувањето на Денот на албанската азбука – 22 Ноември денеска упати честитка до припадниците на албанската етничка заедница во земјава.

dobivaj vesti na viber

– Дозволете најсрдечно да ви го честитам 22 Ноември, Денот на албанската азбука, воедно посакувајќи ви, пред сè, добро здравје и благосостојба. На 22 ноември пред 112 години видните албански интелектуалци од целиот Балкан се собраа во Битола за да ја унифицираат албанската азбука. Токму овој чин е основа за кодифицирање на албанскиот литературен јазик и меѓник за развојот на албанската култура и духовност, и столб на национална себеидентификација. Горди сме што Денот на албанската азбука веќе 14 години е државен празник со кој се гордеат не само Албанците, туку и сите граѓани на нашата татковина, се вели во честитката.

Јазикот и културата, како што се наведува, се фундаменти на секој народ и нивната негација значи обид за ништење на националната припадност.

– Во 21 век таквите обиди не можат да наидат на плодна почва и ќе бидат осудени на неуспех. Би сакал да ја искористам оваа можност и во време кога сме во кризна состојба предизвикана од пандемијата со Ковид-19, уште еднаш да апелирам да останеме сплотени, солидарни и одговорни и да се заштитиме себеси, Најблиските и целата заедница. Нека е честит 22 Ноември, Денот на албанската азбука, стои во честитката од претседателот Пендаровски.

Би можело да ве интересира

Пендаровски во посета на Врховната команда на сојузничките сили за Европа на НАТО

Катерина Павлова-Николовска

(ВИДЕО) Пендаровски: Интеграција во ЕУ зависи од Брисел, но, најмногу од нас

(ВИДЕО) Пендаровски и Штајнмајер на турски чај во Старата чаршија

Средба на претседателот Пендаровски со романскиот претседател Клаус Јоханис

Ана Ололовска

Средба на претседателот Пендаровски со естонскиот претседател Алар Карис

Ана Ололовска

(ВИДЕО) Пендаровски – Моравјецки: Полска е важен партнер на С. Македонија во НАТО алијансата

Ана Ололовска