Партијата за Европска иднина – ПЕИ, најостро ги осудува насилните настани во Собранието.
„Особено сме згрозени од вандалскиот чин по цена на живот врз народните избраници, новинарите и вработените во собраниските служби, Апелираме до институциите, доколку се објективни и непристрасни, пред се МВР и ОЈО, кои вчера не беа на висината на задачата, веднаш да ги расветлат сите настани, а крвниците и насилниците најостро да бидат санкционирани“, стои во соопштението на ПЕИ.
ПЕИ му го честита изборот на новиот претседател на Собранието Талат Џафери и му посакува плодна и успешна работа. Партијата очекува во најкраток временски рок, парламентарното мнозинство да ја избере новата реформска Влада.