Секаде ќе има контроли, тоа ви гарантирам, вели директорот на Државниот пазарен инспекторат, Стојко Пауновски, одговарајќи на прашањето дали ќе се контролира состојбата во Охрид и Маврово за новогодишните празници.
„Во секој град имаме одделенија каде што имаме и вработени инспектори, секаде имаме дежурни екипи кои заедно со полицијата ќе делуваат таму каде што има неправилности и непочитување на протоколите, пречекорување на работно време и групирања“, вели Пауновски.
Државниот пазарен инспекторат ќе врши контроли и на 31 декември и први јануари.
Пауновски вели дека во најголем дел, инспекторите самите одредуваат места за контрола, но им се заблагодари и на совесните граѓани кои ги пријавуваат прекршителите.