Павле Трајанов се откажа од коалицијата со ДОМ и ЛДП

Од:

Лидерот на Демократски сојуз, Павле Трајанов, вели дека нема да биде дел од новото граѓанско движење на центарот кое ЛДП и ДОМ го најавија во пресрет на локалните избори.

„Ние се подготвуваме за локалните избори и во некој од следните денови ќе ги соопштиме нашите кандидати. Ние како Демократски сојуз бевме иницијатори на предизборната платформа на центарот, но се уште сме во преговори со ЛДП и ДОМ“, вели Трајанов од ДС.

Тој вели дека сите опции за предизборно коалицирање се уште се отворени и не ја исклучува можноста за коалицирање и со други партии.

Запрашан дали настанал некој проблем поради кој ДС нема да биде во коалиција со ЛДП и ДОМ како што беше најавено, Трајанов вели дека немало конкретни несогласувања, но дека сепак засега ќе остане надвор од таа коалиција.

Оваа пролет беше најавено дека ДОМ, ЛДП и Демократски сојуз ќе настапат заеднички на претстојните локални избори, со цел и други помали партии да се приклучат кон таа коалиција со што би се наметнале како политичка опција покрај двете најголеми партии.

Би можело да ве интересира

ЛДП: Граѓаните добиваат моќ:,Владата ја прифаќа нашата иницијатива за референдумско отповикување

Почина Филип Аврамчев

ДС: МВР да го спречи Ахмети да предизвика безбедносна криза

Средба Зајкова – Кос: Македонија мора да биде подготвена како Исланд за членство, а ЕУ да биде искрена, брза и креативна во поддршката

Зајкова: Среќен и благословен Бајрам – исполнет со мир, хармонија и заедништво

Предраг Петровиќ

ДОМ: Градоначалникот на Крива Паланка да поднесе кривична пријава до обвинителство за кривично дело екоцид