Партиски списоци во Телеком и закани од Јанушев: Tаа Даниела и тој Ратко, жими се, утре ќе ги убијам

Од:

На каналот „Обнова на режимот“ каде вчера за првпат беа објавени снимки со разговори меѓу носителот на листа на ВМРО-ДПМНЕ во изборна единица три, Игор Јанушев и поранешниот министер за транспорт и врски, Миле Јанакиески, денеска се објавени нови два разговори именувани како „Јанушев ќе ги убијам“ и „Партиски списоци на ДПМНЕ за Телеком“.

Во првиот разговор се слуша како носителот на пратеничка листа на ВМРО-ДПМНЕ, Игор Јанушев, се заканува дека ќе убие извесни Даниела и Ратко. Разговарајќи за компјутерите, се споменува дека требало да бидат однесени во салата „Борис Трајковски“, со која во минатото раководеше директорот Ратко Капушевски. Во понатамошниот разговор Јанушев споменува дека гласал и се враќа кон Скопје.

Снимката почнува со Јанакиески кој вика: „Нема вика, нема во Буњаковец уште лаптопи однесено“, а на ова бурно реагира Јанушев: „Абе таа Даниела и тој Ратко, жими се, слушај ми го зборот, нека помине денов утре ќе ги убијам. Вчера до 12 се расправавме со Ратко кај треба да бидат компјутерите. Он ми вика ние се договоривме, ние имаме систем сега да ни биде во ‘Борис Трајковски’. И Геле и луѓево што се, Љупка и дечково со нив од Битола, отидоа во ‘Борис Трајковски’. Сеа Влатко ми се јавува ми вика во Буњаковец. Они прво меѓу нив се немаат договорено“. По ова, Јанакиески му возвраќа: „Ако …. не одлучуваат тие, во Буњаковец рековме во месните“, а Јанушев му вели: „Знам. Вчеравечерта го правевме муабетот, рекоа дека имале систем не знам каков боље ќе било таков. И ајде викам да не правам гужви. Се слушнав со Влатко сега се договоривме. Мислам не е тоа проблем, еве за две минути можат да бидат во Буњаковец“. На крајот од овој разговор, Јанакиески споменува гласање, а Јанушев вели: „Гласаа и јас гласав, ама истура не можеме да се вратиме за Скопје во пи*** мат**“. Знаеш како врне? Истура. Нема врска, јас сум за 10 минтуи на работа.

Во разговорот „Партиски списоци на ДПМНЕ за Телеком“ се разговара за партиски списоци во кои се впишани вработени во Телеком. Според разговорот, тие се сортирани според склучените договори и треба да му се пратат на Жарко Луковски, поранешен извршен директор на компанијата и обвинет во случајот „Базни станици“ кој почина во ноември минатата година.

„Абе овој вика, Жарко Луковски, не си му ја пуштил листата на Телеком наредени по договор“, му вели Јанакиески на Јанушев, по што тој му одговара: „… Чекај да видам.. Не знам веќе на кого веќе што му е пратено. Лу-ков-ски.  Само малце. Жарко Луковски… Како не сум му пуштил, сум му пуштил. И ти си баш во ЦЦ ставен. На 29 март“, а Јанакиески прашува: „Прочистен е?“, по што Јанушев одговара: „Чекај да отворам во секој случај. Ама мислам дека прочистен е. Финтата е да му пратам прочистено. Да бе шефе тие 2000 души ги дадоа дека се сите од Центар. Чекај уште еднш да отворам“, по што Јанакиески го коригира: „Не 2000, 700 …“. Понатаму, Јанушев вели: „Кај ја ставив Телеком… Телеком центар.. Таа е, 448 луѓе“.

Носителот на пратеничка листа Игор Јанушев во период од 2015 до 2017 година ја извршуваше функцијата директор на ЈСП – Скопје. Пред тоа работеше во Министерството за транспорт и врски, каде што министер беше Миле Јанакиевски.

Би можело да ве интересира

(ВИДЕО) Јанушев: ВМРО-ДПМНЕ ќе поднесе тужба за Спасовски и барање за обесштетување на граѓаните поради непотребните финансиски трошоци за издавање на личните исправи на граѓаните кои несовесно биле издавани

САД: Евакуација по добиени дојави за поставени бомби

Неколку училишта и некои институции во Белград утринава добија дојави за поставени бомби

Дојави за бомби во неколку белградски училишта

Во Франција: Шест аеродроми се евакуираат истовремено поради закани за бомби

Фрлени се три бомби врз три српски куќи на Косово

Горан Наумовски