„Ова не е булевар, ова е кланица“- автомобил се преврте на новата улица во Аеродром

Во сообраќајна несреќа во Аеродром, на новиот булевар, на крстосницата пред воениот базен, во близина на основното училиште „Љубен Лапе“, автомобил се преврте на покрив. Засега нема информации за евентуални жртви или повредени.

На социјалните мрежи се појавија фотографии од несреќата.

Од министерството за внатрешни работи ја потврдија несреќата.

– На 20.11.2023 во СВР Скопје е пријавена сообраќајна незгода на ул. Васко Карангелевски помеѓу “рено меган”, со скопски таблички, управувано од Л.Д. (60) и “тојота” со скопски таблички, управувана од Е.Д.Б. (45). Според првичните информации, со телесни повреди се здобила Е.Д.Б. и укажана и е помош во Клинички центар “Мајка Тереза”, се вели во соопштението од МВР од каде потенцираат дека ова е првични информации.