Отворен првиот Инфо клуб за млади на Скопскиот универзитет

Од:

Министерството за труд и социјална политика во соработка со УНДП го отвори првиот Инфо клуб во рамки на Економскиот факултет при Универзитетот „Св. Кирил и Методиј“ во Скопје.

Клубот е отворен со цел студентите поблиску да се запознаат и точно и навремено да се информираат за сите активни мерки за вработување и самовработување што ги спроведува Владата.

– Инфо клубот ќе биде дом за сите млади кои ќе можат да добијат навремена и релевантна информација за можностите за вработување и самовработување. Ќе продолжиме со оваа активност и со отворање на повеќе вакви Инфо клубови на универзитетите на Тетово, Битола и Штип со цел да ги опфатиме и младите од овие градови и тие да можат да добијат релевантни информации, изјави министерот за труд и социјална политика Диме Спасов пред денешната промоција на првиот Инфо клуб.

Според Лоиса Винтон, постојан претставник на УНДП, со Инфоцентарот ќе се намали оддалеченоста меѓу образовните институции и работодавачите.

– За УНДП на глобално ниво ова претставува приоритет бидејќи бројките кажуваат дека 37 проценти од работната сила отпаѓа на младите, меѓутоа 60 проценти од процентот на невработените отпаѓа на младите, посочи Винтон.

Ректорот на Скопскиот универзитет Велимир Стојковски се надева дека новоотворениот Инфоцентар заедно со центрите за кариера ќе придонесат студентите да добијат точни и навремени информации за сите можности за вработување што им се нудат.

Би можело да ве интересира

Студентското собрание го презентираше Студентскиот манифест – неопходно е општествените чинители да се запознаат со итноста од преземање на мерки

Вработените на петте јавни универзитети на мирен протест побараа потпишување на колективен договор и изедначување со УКИМ

Горан Наумовски

Ристов: Непочитувањето на колективен договор на УКИМ е кршење на принципот на владеење на правото

Имате стипендии на сметките, не дозволувајте манипулации им порача на студентите министерот Шаќири

Студентите си ги бараат неисплатените стипендии, ќе протестираат пред Министерството за образование

Ректоратот бара, МОН ветува дека нема да се зголеми партиципацијата за студентите

Орце Костов