Насад со над илјада стебла канабис (индиски коноп) бил откриен на нива во атарот на гостиварското село Неготино, Полошко.
Од СВР Тетово информираат дека, викендов, службеници од Полициска станица Гостивар, во соработка со претставници од Министертвото за земјоделство, шумарство и водостопанство, во нива пронашле и искорнале околу 1.000 стебла „канабис сатива“.Стеблата искорнати на нивата покрај автопатот Гостивар-Тетово биле со различна големина од 60 до 80 сантимери.
– Во координација со јавен обвинител се преземаат активности за расветлување на сите поединости поврзани со тоа-дали некој ги посадил стеблата на таа нива или се самоникнати, по ќе следува соодветен поднесок против непознат сторител, вели портпаролот на СВР тетово Марјан Јосифоски.
Пронајдените стебла се подигнати и транспортирани во Полициската станица Гостивар.