Клубот на млади лекари со соопштение посочува дека не очекувавале дека токму некој од фелата, ќе биде лош пример за непрофесионалност кога се работи за коронавирусот.
-Клубот на младите лекари ја осудува постапката на директорката на Клиниката за кожни заболувања, која што со своето несовесно и неодговорно однесување ги загрози животите на граѓаните и колегите.
Иако Клубот смета дека мерките на Министерството за Здравство во пракса се прокламативни и само протоколарни и бараат ревизија, апелираме секој од нас во еснафот да постапува според етичкиот кодекс и медицината базирана на докази.
Очекуваме лекарите да покажат врвна етика и професионалност и да бидат пример за граѓаните.
Од Министерството за здравство не сме добиле јасни и прецизни насоки, додека заштитната опрема и сапунот се со поминат рок. Системот е нефункционален, но време е за организација и правилни постапки.
Клубот на Млади Лекари ги нуди сите расположливи ресурси на Министерството за Здравство за надминување на состојбата и зачувување на здравјето на граѓаните.
Ги повикуваме надлежните во Министерство за здравство / Ministria e Shëndetësisë, да постават јасни и прецизни протоколи за постапување во случај на контакт на персоналот со заразено лице, велат од Клубот на млади лекари.