Оставката на Димитровска не е морален чин туку резултат на јавен притисок – целиот состав на ДКСК треба да си замине, реагира Левица

Од:

Денешната оставка на претседателката на Државната комисија за спречување на корупцијата, Татјана Димитровска, не претставува чин на морална одговорност, туку е директна последица од засилениот јавен, медиумски и политички притисок, особено откако Левица поднесе иницијатива за нејзино разрешување во Собранието, велат од Левица.

– Димитровска, која претходно експлицитно одбиваше да си поднесе оставка, очигледно заминува во обид да се избегне отворена политичка конфронтација и срамно гласање по иницијативата на Левица. Дека оваа оставка е договорена, а не доброволна, јасно говори молкот на ДПМНЕ и владата предводена од Мицкоски, како и на СДС, кои во ниту еден момент не побараа одговорност и не упатија никаква критика за работата на ДКСК, дури ни откако против Димитровска се покренаа две обвиненија.

Угледот и кредибилитетот на ДКСК се целосно компромитирани. Дополнително, загрижува фактот што составот на Комисијата не се дистанцираше од Димитровска, ниту побара оставка, со што и самите станаа дел од проблемот. Оваа институција, наместо чувар на јавниот интерес, стана парализирана алатка на владејачките партии, неспособна и незаинтересирана да се справи со корупцијата.

Левица бара колективна оставка на целиот состав на ДКСК. Овој состав низ целиот свој мандат не отвори ниту еден сериозен случај против функционери на власта, и покрај секојдневните коруптивни скандали, туку активно учествуваше во релативизирањето на криминалот и негова заштита.

Најилустративен е примерот со:

– Поставувањето на Бојан Христовски на чело на АНБ, каде ДКСК не утврди никакви неправилности и

– Одлуката да се препушти на претседателката Сиљановска-Давкова да одлучува по претставката против директорката на Агенцијата за разузнавање – кадар што таа лично го именуваше, што е институционално апсурдно и целосно недозволиво, се вели во соопштението од Левица.

Би можело да ве интересира

Левица: Сопругата на директорот на Булмак и кандидат за градоначалник од ДПМНЕ – преку ноќ стана раководител на Агенцијата за пошти

Левица: Николоски заборави на истрагата за „Маркоски“ – ДПМНЕ им доделува милионски тендери

Претседател на Антикорупциска ќе се избира по локалните избори

Левица: Инфлацијата јаде, владата молчи

Левица: Разрешениот началник е во роднински врски со актуелниот началник на СВР Битола

Левица: Министерството за одбрана лаже – Најдобрите кандидати се подло одбиени, а „втора група” по истиот конкурс нема да има