Остануваат уште осум ратификации до полноправното членство во НАТО

Од:

По ратификацијата на протоколот за членство на Република Северна Македонија во НАТО што го направија завчера Народното собрание на Република Турција и Парламентот на Чешката Република остануваат уште осум ратификации до полноправното членство во Алијансата.

Ратификацијата на Протоколот во Турција ја потврди на Твитер и шефот на турската делегација во Парламентарното собрание на НАТО Осман Ашкин Бак.

– Големото Народно собрание на Турција го комплетираше ратификацискиот процес на Протоколот за членство на Северна Македонија во НАТО. Како и досега, Турција ќе продолжи да ја поддржува Северна Македонија во евроатлантскиот интегративен процес, напиша Ашкин Бак на Твитер.

Протоколот за членство во НАТО завчера доби зелено светло и во чешкиот Парламент.

– Убедени сме дека пристапувањето на Северна Македонија во НАТО ќе ја зајакне целокупната стабилност и безбедност на Балканот, а во исто време и самата Алијанса, истакна вицепремиерот Јан Хамачек на ратификацијата на Протоколот.

Досега дваесеттина земји членки го ратификуваа Протоколот и дадоа зелено светло за пристапување на нашата земја во НАТО. Се очекува летово тоа да го сторат и САД, а до крајот на годинава и преостанатите земји созјузници со што Северна Македонија и официјално ќе стане 30-та членка на Северноатлантската алијанса.

Премиерот Зоран Заев вчера оцени дека имаме добри шанси на 3 или 4 декември годинава да добиеме одлука за полноправно членство во најмоќниот безбедносен сојуз на светот.

Тој искажа благодарност до Турција и Чешка за ратификацијата на Протоколот за членство и изрази уверување дека до крајот на следната недела се очекува Велика Британија да информира оти ја завршила ратификацијата, како и дека тоа ќе го стори и Шпанија наскоро, откако ќе се формира Влада и парламентарно мнозинство, со што Парламентот во Мадрид ќе може да гласа за Протоколот.

– Веќе сме со ратификуван договор од 21 земја. Тоа се за нас добри пораки заради тоа што во последните пет-шест месеци ратификацијата се движи со повеќе од посакуваното темпо. Остануваат уште осум земји, верувам дека оваа или до крајот на следната недела Британија ќе не информира дека е истечен рокот од 21 ден и таму ратификацијата е завршена, со што ќе бидат 22. Се надеваме дека Шпанија бргу ќе формира влада и парламентарно мнозинство за да може да гласа, а другите земји веќе не информираа за процедурите и протоколите, изјави Заев, одговарајќи на новинарски прашања при вчерашната посета на археолошкиот локалитет Стоби.

Заев додаде дека министерот за надворешни работи Никола Димитров во скоро време ќе информира за процедурите и постапките во останатите држави каде што се очекува да се случи ратификацијата и оцени дека имаме добри шанси на 3 или 4 декември да добиеме одлука за полноправно членство за НАТО.

Би можело да ве интересира

Четири години од членството во НАТО – Земјава не е само фактор на стабилизација на регионот, туку и поттик за државите во соседството

ВИДЕО: 25 години од НАТО нападот на Србија

Катерина Ѓуровски

Отворен ден на АРМ по повод годишнина од членството на Македонија во НАТО

А1он

Допис од НАТО покажува дека Ковачки бил одбиен за безбедносен сертификат, тој вели: Не сум бил одбиен, ниту сум го повлекол барањето

Александар Тодески

НАТО: Продолжуваме да ја поддржуваме Украина и да ја зајакнуваме одбраната, Русија е најголемата закана

Романскиот претседател Клаус Јоханис ја објави својата кандидатура за шеф на НАТО