Судскиот совет на денешната седница ќе расправа за суспендирање на осомничениот управен судија, Мустафа Шаини.
Станува збор за времена мерка времено оддалечување од работното место.
Обвинителството побара времени мерки за забрана за вршење определени работни активности поврзани со предметот, но не ги доби од Кривичниот суд.
Обвинителството за гонење организиран криминал и корупција, донесе наредба за истрага против судијата Мустафа Шаини од Управниот суд во Скопје за злоупотреби со предмет за денационализација на имот на брегот на Охридското Езеро во Струга, со што државата ја оштетил над 200 илјади евра.
Осомничениот претходно бил адвокат и ги застапувал интересите по барање за денационализација на две лица, на чиј правен претходник му бил определен и исплатен надомест за земјиштето што било предмет на барањето за денационализација.
Во меѓувреме, осомничениот Шаини бил избран за судија на Управниот суд.
Васко Маглешов