Османи во Брисел ќе ја реафирмира подготвеноста на земјата за старт на преговорите со ЕУ

Од:

Вицепремиерот задолжен за европски прашања Бујар Османи денеска во Брисел ќе се сретне со високата претставничка за надворешни работи и безбедносна политика на Европската Унија и потпретседателката на Европската комисија, Федерика Могерини.

Средбата ќе биде искористена за да се реафирмира подготвеноста на земјава за напредок во европските интеграции во пресрет на Самитот на ЕУ во октомври.

Од Секретаријатот за европски прашања информираа дека планирани се и средби на Османи со државната секретарка за европски прашања и претставничка на Хрватска во ЕУ, Андреја Метелко-Згомбич и со директорката за Западен Балкан во рамки на Генералниот директорат за соседство и проширување во Европска Унија – ДГ НЕАР, Геновева Руиз Калавера.

Работната посета на Брисел е дел од турнејата на вицепремиерот Османи за посета на метрополите на земјите членки на ЕУ. По Брисел, следат посетите на Берлин и Варшава кои планирано е да се реализираат кон крајот на неделата.

Би можело да ве интересира

Макрон: Франција и Германија бараат прекин на турската офанзива

ВИДЕО: Макрон смета дека е рано за преговори со Северна Македонија и Албанија

Татјана Ташкова

Советот за безбедност на ОН загрижен поради бегалците и бегството на милитантите во Сирија

Макрон: Финализиран е договорот со Велика Британија

Заев – Сасоли: Секоја друга одлука освен преговори ќе биде поттик за регресивни процеси во земјата и регионот

Подготвен е технички договор за Брегзит, се чека согласност на британската Влада

Татјана Ташкова