Османи: Малта ќе го преземе претседавањето со ОБСЕ за 2024 година

Од:

Министерот за надворешни работи и претседавач со ОБСЕ, Бујар Османи, информира дека на Подготвителниот состанок и Постојаниот совет на амбасадорите на 57 земји учеснички на Организацијата во Виена постигнат е консензус Малта да биде следната земја претседавач со регионалната безбедносна организација за 2024 година.

-Одлични вести од Виена! Денес на Подготвителниот состанок и Постојаниот совет амбасадорите на 57 земји учеснички на ОБСЕ постигнаа консензус и се донесе одлука што го отвора патот за идниот претседавач на ОБСЕ 2024. Одлуката ќе бидат потврдени на 30-от Министерскиот совет на ОБСЕ во Скопје. Благодарност до Малта за подготвеноста да ја преземе оваа витална улога и на сите земји учеснички и партнери на ОБСЕ за флексибилноста и поддршката, објави Османи на неговиот официјален фејсбук профил.

Решението за Малта е постигнато, по неколку неуспешни обиди да се постигне консензус за кандидатурата на Естонија да претседава со организацијата во 2024.

Северна Македонија го презеде претседавањето со најголемата регионална безбедносна организација од Полска на 1 јануари 2023 година. Едногодишното претседавање со ОБСЕ за 2025 година ќе биде во рацете на Финска.

Би можело да ве интересира

Средба Османи – Кулеба: Европската Унија е наша заедничка иднина

Горан Наумовски

Османи од Советот на безбедност на ОН: Правдата и одговорноста мора да надвладеат

Горан Наумовски

Османи фотографира за лични документи во конзулатот во Бон

А1он

Османи од Минхен: На овие избори граѓаните ќе се одлучат за Европа или Русија

А1он

Османи: Граѓаните на Македонија се ставени на фундаментален тест на изборите

МНР го раскина договорот со фирмата од Зајас за која имаше сомнеж дека е донатор на ДУИ

Орце Костов