Османи: Имаме недвојбена поддршка од сите земји членки на ЕУ, останува прашањето со Бугарија

Од:

Имаме недвојбена поддршка не само од Холандија, туку од сите земји членки на ЕУ. Останува прашањето со Република Бугарија, изјави денеска министерот за надворешни работи Бујар Османи, одговарајќи на новинарско прашање во однос на информациите во некои медиуми дека и Холандија и Данска се против почнување на преговори на земјава со Унијата.

Османи рече дека денеска имало реакција и од Холандската амбасада во Скопје, кои ги демантираат овие работи.

– Холандскиот министер за надворешни работи во холандскиот парламент јасно ја образложи поддршка на Холандија за започнување на преговори на Северна Македонија, констатирајќи го прогресот на земјата и во делот на надминување на разликите и во делот на реформскиот пат, рече Османи.

Прашан за работата на историските комисии меѓу Бугарија и Северна Македонија, Османи рече дека денеска е вториот ден, но за повеќе информации треба да се почека крајот на состанокот.

Во однос на работата на специјалниот владин претставник за Бугарија, Владо Бучковски, Османи рече дека предлогот за негово назначување било на МНР, во координација со премиерот, а со цел да се додадат дополнителни механизми во враќање на довербата и создавање на предвидливост во имплементација на Договорот, во услови кога немаме амбасадор во Софија.

– Мислам дека улогата на еден таков мост на комуникација, од профилот на поранешен премиер ќе даде порака дека сме сериозно посветени на билатералните односи и имплементација на Договроот. Но, мислам дека ќе биде и добра можност за интензивирање на комуникацијата, изјави Османи.

Тој посочи дека се прават аранжамни за негово заминување во Софија, и веќе идната недела да може да ги има првите средби.

– За што се разговара, веќе рамката е утврдена уште од 2017 година во Договорот за добрососедство. Во моментот и работните групи и јас и премиерот разговараме за надминување на разликите во очекувањата и во погледите по однос на прашњата. Се надевам дека Бучковски ќе биде примен во Бугарија на највисоко можно ниво за да може да разговараме отворено за можностите за надминување на разликите уште сега, за да може да пристапиме кон одржување на првата меѓувладина седница, изјави Османи.

Тој посочи дека Бучковски ќе работи под инструкции и во рамки на МНР и Владата, а аранжманите за неговите посети и средби ги прави Министерството , во координација со него.

Би можело да ве интересира

ВМРО-ДПМНЕ: Жерновски не избламира пред членка на ЕУ и никогаш не стана амбасадор, следбеник на Заев и ,,Бојко љубави” дипломатијата

Предраг Петровиќ

МНР: Во близина на Суботица во сообраќајка загина маж од Македонија, во несреќата тешко повреден е сопатник

Горан Наумовски

Муцунски: Софија е влезена во многу опасен наратив кој е во корист на трета страна спротивставен со интереси и на ЕУ и на НАТО

Катерина Ѓуровски

Мајка и три деца, македонски државјани, се евакуирани од Израел

Вкупно 22 македонски државјани побарале помош за напуштање на територија на Израел и враќање во земјава

Предраг Петровиќ

Апел на МНР: Не патувајте во Израел и Иран, не е безбедно

Горан Наумовски