(ВИДЕО)Османи: Или права и за ОНА или ДУИ излегува од Влада

Од:

Портпаролот на ДУИ, Бујар Османи ја потврди информацијата, дека синоќешниот разговор Груевски-Ахмети немал разрешница и договор.

Основни теми на синоќешните разговори на Али Ахмети со Никола Груевски биле централното прославување во Слупчане и законот за бранители.

Портпаролот на ДУИ, Бујар Османи вели дека Ахмети кажал дека чествувањето во Слупчане е чин на помирување и е во духот на Рамковниот договор, немало за цел провокација или некого да навреди.

За законот за бранители Ахмети кажал дека треба да се измени за да се изедначат првата на оштетените и паднатите борци од двете страни или пак законот да се повлече.

„Доколку тоа не се случи, овој предлог закон ќе ја стави во прашање самата коалиција“.Ние разговараме на меѓупартиско ниво и се договоривме-или ќе се промени законот или ќе се прифатат амандманите. Ако не се прифатот и не се договориме, коалицијата ќе се доведе во прашање“, рече Бујар Османи.

Овие две теми биле единствени на состанокот и според Османи останува деновиве да се продолжи со разговорите и да се постигне договор во однос на законот.

За шпекулациите за создавање ново мнозинство во парламентот заедно со опозицијата како вовед во нови избори, но и нова власт што ќе ги организира изборите, Османи рече дека во моментов не се размислува.

„Сега имаме ситуација на предложен закон кој е неприфатлив за нас и е вовед во политичка криза. Така што сите разговори во моментов се во рамки на решавање на таа ситуација, а новите ситуации кои ќе призлезат во иднина ќе зависат од тоа како ќе се одвиваат работите сега. Се ќе зависи од исходот од овие разговори, не можеме хипотетички да разговараме зашто сме концентрирани на тоа како да се реши овој закон“, рече Османи.

Би можело да ве интересира

Пратеничката група на Европски фронт испрати писмо до Советот на Европа, бара експертска проценка за истрагата на трагедијата во Кочани

Нема да дозволиме ДУИ да одлучува кои жртви заслужуваат правда, велат од ВЛЕН

ДУИ: Мицкоски целосно го зароби правосудниот систем, обвинителството и судството

ДУИ: Вие може да се заканувате, но ние нема да молчиме

Горан Наумовски

ДУИ: Сите сѐ гледале што се случува во „Пулс“, но цела година – никој ништо не видел

ДУИ: Во истрагата за „Пулс“ е неопходно да се покрене прашањето за улогата и одговорноста на УЈП