„До каде оди безредието во Македонија, пример е последниот текст на портпаролот на Никола Груевски и главен и одговорен уредник на медиумите под контрола на власта, провладиниот портал Курир.
Судските пресуди на Управниот суд и на Врховниот суд, под силата на аргументите потврдија дека нема случај при изградбата на Глобал.
Но, провладиниот портал Курир убедува дека судските пресуди не биле валидни зашто така оценила институцијата Катастар?!
Значи Катастарот е над судовите.
А над Катастарот кој е? Се разбира тој што го поставува неговиот директор, Никола Груевски.
Ова е уште еден доказ дека држава нема и дека се е партија. Македонија е претворена во приватен пашалук на Никола Груевски и тесната група околу него“, се вели во реакцијата на Општина Струмица на пишувањата на Курир.