Oпштина Струмица организира акција „Чиста и уредна средина“ за поголема комунална хигиена во градот. Акцијата ќе се спроведе во соработка со „Систем 48“, Јавното претпријатие за комунални дејности „Комуналец“, одделението за заштита на животната средина и граѓаните на општина Струмица. Акцијата ќе стартува на 15 јуни со расчистување на јавните површини, дворните места и површините пред станбените згради, а ќе заврши на 29 јуни. За успешно спроведување на акцијата, градот ќе биде поделен на три реони.
Се повикуваат сите граѓани, масовно и активно да се вклучат во акцијата со расчистување на отпадот од нивните дворни места и подрумски простории и истиот да го остават пред своите домови и да пријават на „Систем 48“ на бесплатниот телефонскиот број 0800 1 48 48 за да биде подигнат. Во акцијата ќе се собира домаќински и кабаст отпад, а не и градежен шут.
Со оваа акција, градоначалникот Зоран Заев и општина Струмица заедно со граѓаните, уште еднаш како многу пати досега, на дело ја потврдуваат заложбата за чиста и уредна Струмица, како што му доликува на еден модерен европски град.